الحمام المرفرف في العصاري بأمرك
بعد قسوة غرورك ما لمح منك نظره
طار ناسي هديله في شبابيك قصرك
وده يرجع يشيله خاف لا يموت حسره
جف خصب المشاعر يا حسافه وزهرك
ما لقيله نسايــم وانتحر فيه عطــره
بهجة الجاه شالت منك نسناس عمرك
الندى في صباحك ما لقي عاد فجره
يا شفاه السعاده يبّس الوقت ثغرك
احطبيها وداوي جرحها بألف جمــره
ادفني عمر ذابل في تجاعيد قهــرك
ضيع التّيه امسك وين تلقين بكـــره
(حمود ناصر)